Mali i Gjallicës, bregu i Liqenit të Fierzës, rrafsha e Lumës, qetësia e qytetit të Kukësit të ri, por dhe vendbanimet e hershme historike, gjurmët e Kukësit të vjetër, janë shndërruar prej disa ditësh në muzën e piktorëve, skulptorëve e fotografëve, të cilët kanë bashkjetuar në një koloni arti, që është finalizuar me një ekspozitë ndërkombëtare.
Nisma e ndërmarë nga Këshilli i Qarkut të Kukësit, për të dytin vit, për koloninë “Art Kolor, Kukës 2014”, është mirëpritur dhe nga banorët e qytetit, të cilët në vitin 2010, u shpallën nga USAID, si banorët me shkallën më të lartë të pozitivitetit për sa i përketë lumturisë. Mikëpritjen e artistëve gjatë ditëve të qëndrimit në Kukës e dëshmon jo më kot fakti se si ky qytet i vogël hapi dyertë për pritjen e shqipëtarëve nga Kosova gjatë marsit të vitit 1999, mikëpritje për të cilën kuksianët u kandiduan për Çmimin Nobel për Paqe.
Promovimit i vlerave natyrore, kulturore dhe social-ekonomike, vendosja e një bashkëpunimi mes artistëve, shihet si një mundësi mjaft e mirë për kreun e këshillit të qarkut, i cili për disa ditë e ka vendosur qytetin në qendrën e artit. Fal përkujdesjes së tij, kolonia këtë vit ka rezultuar edhe më pozitive për nivelin e lartë artistik të veprave të krijuara nga artistët, por dhe pjesëmarja e tyre.
Për kreun e qarkut të Kukësit, Ibsen Elezi ky aktivitet, i organizuar për të dytin vit radhazi, është një nisje e mbarë për pasurimin e jetës kulturore dhe promovimin e bukurive që ka Kukësi, duke qenë se turizmi është një nga synimet kryesore për zhvillimin e rajonit. Qëllimi i këtij aktiviteti sipas tij “është ngritja e vlerave humane, shpirtërore, artistike, ringjallja e jetës kulturore, për zhvillimin e turizmit kulturorë dhe bashkëpunimi kulturorë e rajonal”.
Gjatë kolonisë, artistët krijuan vepra në pikturë, skulpturë, instalacion, por dhe fotografi artistike. Kudo nëpër Kukës, në natyrën e qetë të liqenit, nën hijen e malit, qetësinë e qytetit, artsitët kanë krijuar prej disa ditësh, duke bashkëjetuar në Kukësin e mikëpritjes dhe dashurisë. Në veprat e tyre ka dominuar motivi i peisazhit nga rrethi i Kukësit, portreti dhe figurat e vajzave me veshjen tradicionale të Qarkut të Kukësit. Artistët kanë punuar të frymëzuar, por dhe kanë udhëtuar së bashku drejt Prizrenit, kanë bashkëjetuar prej disa ditësh, duke ndarë eksperienca, teknikat e arteve të tyre, por dhe vendosur bashkëpunime artistike mes shteteve, qyteteve nga vijnë.
Ditët e kolonisë që kanë kaluar shpejtë i kanë lënë radhën hapjes së ekspozitës, në qendrën Kulturore Valdrini në glerinë “Art&Kafe”. Ekspozita me prezantimin e gjithë punëve të krijuara gjatë ditëve të kolonisë ka mbledhur artistët, pushtetarë lokalë e qytetarë të Kukësit.
Ceremonia e hapjes u bë nga Sulejman Dida, artis i njohur në këtë zonë, për të cilin rëndësia e kësaj kolonie që kalon kufinjtë e rajonit është e madhe për promovimin e vlerave. Ndërsa për kryetari e Qarkut, Ibsen Elezi, ky aktivitet është shumë i rëndësishëm për pasurimin e jetës kulturore dhe promovimin e bukurive që ka Kukësi, pasi turizmi është një nga synimet kryesore për zhvillimin e zonës Kreu i qarkut premtoi gjithashtu se është hartuar tashmë një projekt konkret për hapjen e e një galerie arti në Kukës.
Tashmë, qyteti i kolonisë “Art Kolor”, aktivitet i cili duket se do të kthehet në një traditë, po krijon fondin e tij të veprave artistike, pasi artsitët një pjesë të krijimeve të tyre gjatë kolonisë i kanë lënë në Kukës. Me ditë të freskëta maji, por plotë ajër të pastër. Më ditë të ngrohta, plotë diell. Me shiun herë të vrullshëm e herë të lehtë, që la nga pas ylberë mes malit, Kukësi frymëzoi artsitët shqipëtarë e të huaj, që veçse morën prej tij frymëzim dhe emocione, lan nga pas mundësi zhvillimi nëpërmjet artit./KultPlus.com