Presidentja e vendit Atifete Jahjaga në një intervistë ekskluzive për RTK ka rrëfyer për bisedat me liderët e partive politike për datën e zgjedhjeve, për pritjet që ka nga këto zgjedhje, për mos votimin në kuvend të Forcave të Armatosura.E para e vendit ka folur edhe për rolin e EULEXit, gjykatën për krime lufte, për procesin e liberalizmit të vizave, për luftën kundër korrupsionit, për tolerancën ndërfetare dhe shkuarjen e qytetarëve të Kosovës në luftën e Sirisë.
Në prag të zgjedhjeve të parakohshme parlamentare e para e vendit Atifete Jahjaga ka deklaruar se Kosova di të organizojë zgjedhje të mira dhe demokratike, dhe pret që pas këtyre zgjedhjeve të dërgohet një mesazh i mirë drejt Bashkimit Evropian.
Jahjaga tha se do te vazhdojë të ushtrojë mandatin e presidentes, ashtu siç shkruan edhe ne Kushtetutën e vendit.
Presidentja ka folur edhe për tolerancën ndërfetare, ndërkaq ka deklaruar se qytetaret e Kosovës që po shkojnë të luftojnë në Siri po e krijojnë një imazh jo të mirë për vendin.
E para e vendit ka folur edhe për marrëdhëniet e Kosovës me vendet e rajonit, për raportet ndërkombëtare për Kosovën, për zhvillimin ekonomik, për luftën kundër korrupsionit, për sistemin e drejtësisë, për rolin e shoqërisë civile si dhe shume ceshtje të tjera .
Intervistën e plotë mund ta ndiqni në RTK në orën 20:10.