Të gjithë banorët shtrihen të flenë gjumë.Por duket se Julianën nuk e zë gjumi pa u pajtuar me Arditin. Ajo vjen vërdallë nëpër dhomë dhe më pas fillon të ngacmojë Arditin, i cili është në gjumë. Juliana ulet tek krevati ngjitur me Arditin dhe e shikon teksa fle, por pastaj fillon të bëjë zhurmë për ta zgjuar. Më pas ajo fillon t’i tundë me këmbë krevatin, derisa Arditi zgjohet dhe e pyet se çfarë po bën. “Tërmet”, thotë Juliana, ndërsa Arditi i thotë se të ishte tërmet ajo do ishte duke bërtitur dhe do dilte jashtë. Arditi nuk reagon, por qëndron shtrirë në krevatin e tij.
Juliana nuk ndalet me ngacmimet e saj, edhe pse Arditi po i mban qëndrim. Ajo fillon t’i lëvizë me këmbë dyshekun, kurse Arditi e pyet nëse ka ndonjë gjë më të mirë për të bërë. Juliana e pyet për cigare, Arditi i thotë se për cigare iu afrua. Më pas Juliana fillon dhe hidhet sipër krevatit të Arditit. Ajo hidhet disa herë, derisa thyen dërrasën e krevatit. “Për një cigare po bën kështu?”, e pyet Arditi, teksa Juliana qesh. Arditi rregullon krevatin e tij dhe Juliana shtrihet aty. Ai i kërkon të largohet, por Juliana nuk ikën, prandaj Arditi shtrihet tek krevati ngjitur. “Nevi ca ka pirë kjo?”, pyet Arditi, duke u tallur me mënyrën sesi po sillet Juliana.
Juliana i thotë Arditit se tek krevati ku është shtrirë ka hedhur një buburrec, prandaj ai ngrihet dhe shtrihet tek krevati i tij, edhe pse Juliana nuk largohet. Julianën e zë gjumi tek krevati i Arditit dhe më pas fle edhe ai.