Mbetet e paqartë nëse Sami Lushtaku është kthyer në QKUK ose nëse së shpejti do ta bëj këtë.
Njësia koronare në Kardiologji, ku ka qëndruar ai muajve të fundit, është mbushur sërish të mërkurën me pjesëtarë të policisë së Kosovës.
Burime të gazetës “Koha Ditore” kanë thënë se ai është kthyer në dhomën e tij, gjë që udhëheqësit e spitalit as të burgjeve nuk e kanë mohuar, e as pranuar.
Gazetarët nuk janë lejuar të afrohen. Drejtori i Shërbimit Korrektues i Kosovës, Shemsi Hajrizi i ka thënë gazetës se nuk është në dijeni për gjendjen e Lushtakut.