Kryetari i Partisë së Fortë, Visar Arifaj, bashkë me kandidatët për deputet,ka shpalosur programin zgjedhor edhe në Prizren.
Arifaj ka bërë një shëtitje në qendër të qytetit “Shatërvan”. Ai po ashtu ka prezantuar edhe dizajnin e ri se si do të duhej të duket “Hamami i Prizrenit”, i projektuar nga ekspertë të kësaj partie.
Kryetari Arifaj, tha më tej se Partia e Fortë i premton qytetarëve atë që e deshirojnë ata, duke thënë se “ne jemi parti e fjalës dhe jo e punës”.
Pas disa vizitave që i bënë disa lagjeve të qytetit, në orët e mbrëmjes ata kanë paralajmëruar vendosjen e flamurit të partisë në Kalanë e Prizrenit, ku sipas tyre do të zyrtarizohet okupimi i tërësishëm i Prizrenit nga Partia e Fortë./TV Prizreni/