Kandidatët e PDK-së për deputet në Parlamentin e Republikës së Kosovës nga komuna e Prizrenit, të shpqëruar nga nënkryetari Enver Hoxhaj dhe kryetari i Komunes, Ramadan Muja, kanë vazhduar takimet me elektoratin, duke takuar strukturat dhe mbështetësit e PDK-së, në nëndegët “11 marsi dhe “ 2 korriku”.
Nënkryetari i PDK-së, Enver Hoxhaj gjatë këtij takimi në njërën prej degëve bastion të PDK-së në Prizren atë të , “11 Marsit” dhe “2 Korrikut”, ka thënë se PDK-ja që nga fillimi ka bërë aleanca të vërteta vetëm me qytetarët të cilët e kanë besuar vizionin e saj dhe njëkohësisht PDK-ja është partia që i beson qyetetarëve.
Duke folur para një numri të madh të pjesëmarrësve, ministri Hoxhaj ka thënë se disa parti të vogla në Prizren janë zënë në panik për humbjen që i pret me 8 qershor, andaj kanë filluar me akuza në drejtim të PDK-së, por edhe partitë e tjera opozitare në Prishtinë po sillen njësoj, por rezultati i fitorës së thell të misionit të ri të udhëhequr nga Kryeministrit Thaci do jetë mesazhi më i qartë me fitoren spektakular që do ta ketë Partia Demokratike e Kosovës me datë 8 qershor.
“Nëse në vitin 2007 i keni besuar premtimeve të PDK-së, tani mund ti besoni punëve të kryera që prej rritjes së rrogave, ndërtimit të autostradës, shkollave e rrugëve, pavarësimit të vendit dhe bashkimi të Mitrovicës. Tani PDK-ja në aleancë me qytetarët e ka ofruar misionin e tretë që është Misioni ynë i ri për zhvillimin ekonomik të Kosovës dhe hapjen e vendeve të punës” ka thënë Hoxhaj.
Në këtë tubim janë prezantuar edhe kandidatët për deputetë nga Prizreni, Nait Hasani, Behar Selimi, Luljeta Veselaj, Naser Berisha, Zarije Jusufi, të cilët shpalosën pjesë nga programi zgjedhor ./PrizrenPress.com/