Këngëtari i njohur shqiptar Gena Lito i cili tashmë radhitet ndër emrat më të kërkuar nëpër mbrëmje të ndryshme muzikore së shpejti për publikun vet do të vijë me shumë risi. Kështu të paktën ka bërë të ditur menaxheri i tij Enis Fetahu, për gazetën Tribuna.
Fetahu ka treguar se Gena në fillim të muajit korrik për publikun do të sjellë befasi të njëpasnjëshme. “Gena veçse i ka përfunduar dy këngë të reja me videoklipe. Ka punuar shumë për këto këngë dhe vërtet janë duke dalë shumë bukur. Besoj që kah fillimi i muajit korrik do të lansohen risitë nga Gena. Shpresoj që edhe nga publiku do të priten mirë. ”, ka thënë Enisi në fillim të bisedës.