Ëndrra e tij për të udhëhequr Francën drejt Brazilit mori fund dhe ai po mundohet ta harrojë zhgënjimin duke pushuar në plazhet e Ibizës. Por pamjet që ‘Bild’ i ka dhënë një ditë më parë, trajnerit Pep Guardiola, nuk është se i kanë pëlqyer fort.
Mesfushori 31-vjeçar i Bayernit të Munichut është fotografuar në shoqërinë e miqve të tij në resortin ‘Blue Marlin’, në Spanjë, duke tymosur një cigare që dyshohet se është marihuanë.
Është miku i francezit ai që nis të dredhë cigaren, ndërsa Ribery, për t’i shpëtuar fokusit të paparacëve, vendos të hedhë një peshqir mbi kokë dhe të thithë disa herë cigaren e ndaluar. Dielli, plazhet dhe hashashi janë ato që Ribery ka zgjedhur për t’u shëruar nga lëndimi në shpinë.