Edhe pse nuk ka shumë kohë që në publik erdh me këngën e re ‘Feel’ në bashkëpunim me këngëtarin Ardian Bujupi e DJ Dalloll, këngëtarja Genta Ismajli nuk do ta lërë me kaq.
Ajo ditë më parë në faqen e saj zyrtare në rrjetin social ‘Facebook’, ka paralajmëruar se së shpejti do të vijë me një këngë të re. E këtë e ka pohuar edhe menaxheri i saj Adem Ramadani për gazetën Tribuna.
“Po është e vërtet që Genta po punon në projekt të ri. Bëhet për fjalë për një këngë të re të cilën është duke e punuar e që do të jetë shumë shpejt në duart e publikut”, ka thënë Ademi në fillim të bisedës, ndërsa ka sqaruar më tej se kush ka punuar në këtë këngë.
“Titulli i këngës është ‘A je gati’. Kjo këngë do të dalë e plotësuar edhe me videoklip brenda një muaji. Muzikën e këngës e kanë bërë Zapp & Chriss, kurse tekstin e ka shkruar BimBima”.