Partia Demokratike është vënë në kërkim të partnerëve për bashkëqeverisje e në kërkim të numrave në Kuvend.
Zyrtarë të PDK dhe të Nismës janë takuar, për të biseduar mundësinë e bashkëqeverisjes. E burime brenda takimit i kanë thanë televizionit Rrokum, se oferta që i asht bërë Nismës së Fatmir Limajt, nga ish bashkë partiakët e tij, asht hiq ma pak se 8 ministri.
Sipas këtij burimi, zyrtarët e PDK-së, u kanë thanë atyre të Nismës, se përveç Ministrisë së Financave, munden me zgjedh secilën nga ministritë e tjera.
Takimin dhe ofertën e PDK-së, e ka konfirmuar për televizionin Rrokum edhe sekretari i Nismas, Fitim Selimi.
Ndonëse Selimi ka hezito me fol me shifra për numrin e ministrive të ofruese, por tha se në takimet që janë zhvillu ndërmjet përfaqësuesve kyç të të dyja partive, kanë marrë oferta për koalicion.
Por, sipas Selimit, pavarësisht kësaj oferte që kanë marrë, Nisma ka me vazhduar me i qëndruar besnik koalicionit të bllokut opozitar, të nënshkruar me dy partitë e tjera LDK e AAK.