Ekziston një fantzmë që e ndjek Vladimir Putinin dhe ajo është fantazma e ish-presidentit serb, Slobodan Millosheviç.
Si Millosheviç, ashtu edhe Putini, “e kanë nxitur nacionalizmin intensiv… kundër kroatëve dhe ukrainasve, nëpërmjet propagandës në mediat masive” dhe si ata të dy “e kanë forcuar kryengritjen e minoriteteve etnike”., shkruan The New Republic.
Po ashtu, të dy këta liderë, e kanë shfrytëzuar pretekstin e mbrojtjes së minoriteteve për “angazhim ushtarak” dhe për “krijimin e republikave të vetëshpallura dhe gjysmë të pavarura si në Kroaci, ashtu edhe në Ukrainë”, që ishin faktikisht nën kontrollin e respektivisht, Beogradit dhe Moskës.
Një tjetër kritik i Putin, Girkin, në faqen e tij ka shkruar se braktisja nga ana e Putinit ndaj grupeve të armatosura, që synojnë formimin e “Rusisë së Re” në Ukrainë, i përngjan “sakrifikimit” të Millosheviçit të grupeve paramilitare, që luftonin për “Serbinë e Madhe” në Bosnjë Hercegovinë dhe Kroaci, në vitet ’90.