Adem Grabovci, nënkryetari i Partisë Demokratike të Kosovës, ka rikujtuar katërvjetorin e vendimit të Gjykatës Ndërkombëtare të Drejtësisë në Hagë, me të cilin ajo vulosi pavarësinë e Kosovës.
“Para 4 vitesh, në Gjykatën Ndërkombëtare të Hagës, u vulos edhe ligjërisht e drejta jonë për të pasur shtetin tonë. Dhe, natyrisht, kjo u pasua me njohjen e pavarësisë nga shumë shtete e mekanizma ndërkombëtare.
Kosova, si shtet i ri, tani po vazhdon me ndërtimin dhe zhvillimin e vendit, duke i dhënë edhe më shumë kuptim Pavarësisë së vet.
Ky është edhe vizioni ynë, ky është Misioni Ri”, ka shkruar ai në postimin e tij në Facebook.