Përfaqësuesi i Cohen nuk ka mund ta konfirmojë albumin, fjalët për lansimin e të cilit rrodhën javën e kaluar në ‘Eventin Leonard Cohen 2014’, që organizohet prej fansave të tij, në Dublin.
Edhe në Amazon France, albumi Popular Problems është listuar për 22 shtator.
“Leonard Cohen ka punuar shumë në albumin e tij të radhës, i cili përbëhet tërësisht nga këngë të reja”, thotë Jarkko Arjatsalo, i cili drejton faqen zyrtare The Leonard Cohen Files – që lidh fansat me këngëtarin.
“Ai më ka kërkuar t’u tregoj se albumi i tij Popular Problems do të dalë në fund të shtatorit, menjëherë pas ditëlindjes së tij të 80’të”, ka thënë ai.
Arjatsalo ka konfirmuar për Rolling Stone deklaratën e mësipërme. Ai ka pohuar se kjo informatë
është marrë drejtpërdrejt nga Cohen.
Albumi i fundit i Cohen është Old Ideas, i vitit 2012.