Drejtoria për Shëndetësi dhe Mirëqenje Sociale e komunës së Suharekës, sot ka filluar aksionin për spërkatjën apo dezinsektimin selektiv të qytetit dhe disa fshatrave e vendbanimeve të kësaj komune të cilat llogaritet të jenë zona të rrezikuara nga rriqrat.
Mbikqyrësi i këtij projekti dhe koordinator për punën në terren, Shaqir Mala, thotë se ky aksion do të zgjas për një javë rresht dhe do të përfundojë të premtën e ardshme.
“Spërkatja do të bëhet në oborre të institucioneve publike, shkollave, objekteve shëndetësore, qendrave kulturore, objekteve fetare, varreza, rrugë, sheshe etj., të cilat janë të frekuentuara nga qytetarët”, thotë Mala.
Ndryshe një ekip e pajisur me mjete mbrojtëse dhe me aparatura përkatëse për spërkatje, në terren përveq që po japin këshilla për qytetarë po shpërndajnë edhe broshura me të dhëna rreth ruajtjes dhe mbrojtjës nga pickimi i rriqrave. /PrizrenPress.com/