AKI-ja përpiqet ta demantojë lajmin për vrasjen e bashkëpunëtorit të saj.Por, F.S., rreth 42 vjeç ishte rekrutuar si informator dhe bashkëpunëtor nga AKI-ja për të dhënë informata rreth shkuarjes së kosovarëve në Siri, shkruan sot Koha Ditore.
Ai ishte identifikuar nga Agjencia inteligjente që drejtohet nga Bashkim Smakaj dhe ishte rekrutuar, pas shkuarjes së parë në Siri si njëri prej vullnetarëve të parë.
F.S. ishte zgjedhur edhe për shkak të lidhjeve familjare dhe besueshmërisë që kishte në mesin e drejtuesve të lëvizjes islame “Bashkohu”.
Familja e tij nuk ka qenë e informuar për angazhimin e tij si bashkëpunëtor i AKI-së.
Burime të ndryshme zyrtare kanë thënë për gazetën se F.S. ka bashkëpunuar për muaj të tërë me AKI-në.