Kuvendi i Komunës së Malishevës, kryesuar nga kryesuesi z.Enver Hoti, ka mbajtur sot mbledhjen e tetë të rregullt, ku mori dy vendime dhe miratoi dy raporte dhe një propozim për disa ndryshime në statutin e Komunës. Në mbledhje mori pjesë edhe kryetari i Komunës së Malishevës, Ragip Begaj.
Në fillimin e mbledhjes së sotshme, ka dhënë betimin edhe anëtarja e re e KK të Malishevës, znj.Florianë Demaj, e cila e zëvendëson ish anëtaren e KK-së, Shurie Bytyçin, e cila tanë është deputete e Kuvendit të Kosvës.
Kuvendi i Komunës së Malishevës, me shumicë të votave, ka miratuar kërkesën e kryetarit për dhënien në shfrytëzim të hapësirës publike, mbi objektin e sahat kullës në Malishevës, për vendosjen e antenave të telefonisë mobile, me kushtet e parapara nga ana e Kuvendit të Komunës.
Po ashtu KK i Malishevës, mori vendim për ndërrim destinimin e tokës bujqësore në tokë ndërtimore, për tri kërkesa të qytetarëve.
Ndërsa kuvendi sot ka shqyrtuar edhe raportin e punës së Zyrës së Prokurimit për vitin 2013 dhe planin e punës për vitin 2014, por me shumicë të votave nuk e ka miratuar këtë raport, ndërsa ka miratuar raportin financiar për vitin 2013 dhe planin operativ të shërbimit të largimit të mbeturinave nga ana e njësisë së “Ekoregjionit” në Malishevë, përderisa këtu kërkuan që të bëhet kategorizimi i familjeve dhe jo çmimi të jetë për të gjitha familjet i njëjtë, pasi numri i banorëve nuk është i njëjtë në çdo familje.
Kuvendi i Komunës, sot miratoi edhe propozimet e grupit punues për ndryshimet në statutin e Komunës së Malishevës, para se ky projekt propozim, të del në diskutim publik.