Anëtari i Kryesisë së PDK-së, Rrustem Mustafa, ka thënë se ky subjekt politik do të formojë institucione stabile, duke e respektuar vendimin e Gjykatës Kushtetuese.
“Reflektim mbi vendimin e pritur nga Gjykata Kushtetuese. Ne do të dimë dhe do t’i respektojmë vendimet, si dhe do t’i zhvillojmë më tutje mundësitë për të ndërtuar institucione demokratike e stabile, ku do respektohet, rendi e ligji dhe do të kemi për model edukimin sistematik e qytetar në vazhdimësi, model të marrë nga vendet e qytetëruara perëndimore në zhvillim”, ka shkruar Mustafa në profilin e tij në Facebook.