Kryeministri në detyrë, Hashim Thaçi, thotë se Samiti i Berlinit do të jetë mundësi e jashtëzakonshme që ai së bashku me liderët e tjerë të Ballkanit Perëndimor të diskutojnë për të sotmen dhe ardhmen e përbashkët.
Para se të marrë rrugën për Berlin, Thaçi ka postuar në Facebook një fotografi të tij me Kancelaren gjermane Angela Merkel, të realizuar gjatë takimit që kishte kohë më parë me të, në ambientet e Aeroportit të Prishtinës.
E quan Samitin mundësi të mirë për të kërkuar investime gjermane për Kosovën.
“Sot po nisem për në Berlin për të marrë pjesë në Samitin për Ballkanin Perëndimor, organizuar nga Kancelarja Merkel me pikënisje shënimin e përvjetorin e njëqindtë të Luftës së Parë Botërore”.
“Për qëndrimi ynë është në ekonomi dhe Qeveria e Kosovës e ka në fokus të prezantimeve dhe bisedave krijimin e vendeve të reja të punës dhe investimet gjermane”.
“Do të jetë mundësi e jashtëzakonshme që së bashku me liderët e tjerë të Ballkanit Perëndimor të diskutojmë për të sotmen dhe ardhmen e përbashkët, e cila varet në tërësi nga realizimi i vizionit dhe objektivit tonë për t’u bërë pjesë e familjes europiane, BE-së dhe NATO’s”.
“Shtetet tona respektive mbajnë barrën kryesore dhe varësisht nga efikasiteti i reformave përmbajtësore e sidomos në sundimin e rendit dhe ligjit. Kjo përcakton edhe dinamikën e anëtarësimit tonë në BE”.