Policia në Prizren ka bërë disa kontrollime në shkollat e këtij qyteti. Drejtori i PK-së në Prizren, Nexhmi Krasniqi tha se gjatë këtij kontrollimi në shkolla janë konfiskuar katër thika dhe disa shufra hekuri.
“Ky operacion është ndërmarrë pas kërkesës që Drejtori e Arsimit, ka kërkuar që nxënësit t’i nënshtrohen kontrolleve të befasishme me qëllim që siguria në shkolla të jetë sa më e lartë”, ka thënë drejtori i Arsimit Nexhat Çoçaj, transmeton TVPZ.
“Për vetë faktin se janë gjetur këto mjete të forta në çantat e nxënësve, kjo është mjaft shqetësuese , andaj ne kërkojmë që kontrollet e policisë të jenë të herpashershme”, ka thënë Çoçaj.
Drejtori rajonal Policisë Nexhmi Krasniqi, bëri të ditur gjithashtu se, një kontroll i tillë është bërë edhe në shkollat e komunës së Dragashit, ku edhe atje janë gjetur mjaft mjete të forta në çantat e nxënësve./PrizrenPress.com/