Përfaqësuesja e Lartë e Bashkimit Evropian për Politikë të Jashtme dhe Siguri, Federica Mogherini, ka emëruar Jean Paul Jacque si hetues i pavarur për të hetuar akuzat për korrupsion kundër EULEX-it.
“Sot, unë emëroj Zotëri Jean Paul Jacue si ekspert të pavarur për të analizuar zbatimin e mandatit të EULEX-it në Kosovë me fokus kryesor akuzat për korrupsion”, thuhej në komunikatë për medie.
Jacue është një profesor i të drejtës me mbi 40 vjet përvojë pune dhe brenda katër muajve ai do t’i raportojë dhe rekomandojë Mogherinin lidhur me akuzat kundër EULEX-it.
Puna e tij do të mbikëqyret nga BE-ja.