Festivali i muzikës NGOMfest ka shpallur programin e plotë të edicionit të tretë të tij, i cili do të mbahet më 5, 6 dhe 7 korrik 2013, në Prizren.
NGOMfest në këtë edicion paraqitet me një program të inspiruar nga mjaft zhanre të ndryshme të muzikës elektronike, drum and bass, dubstep, progressive techno, trip hop, breaks, metal, punk. Në mesin e më se 30 grupeve muzikore që do të performojnë në Prizren është edhe grupi i njohur turk “Baba Zula” i cili kombinon instrumentet tradicionale turke, ato elektronike, reaggae dhe dub, DJ dhe producenti holandez Lenzman, i cili performon muzikë drum and bass dhe grupi nga Kosova heavy metal “Troja”.
Festivali do të hapet me datë 5 korrik në ora 19:00 në Hamamin e Prizrenit, me hapjen e ekspozitëz së fotografisë Prizren Retro në të cilën do të ekspozohen fotografitë me objektet e trashëgimisë kulturore të qytetit të Prizrenit. Ekspozita do përcjellet me muzikë klasike të luajtur nga profesorët e shkollës së muzikës Lorenc Antoni në Prizren, ndërsa ajo do të qëndroj e hapur gjatë tre ditëve të festivalit. Në ora 20:00 fillon muzika në Skenën e Marashit dhe në Skenën e Shadërvanit, dhe muzika do të vazhdoj deri të dielen në mesditë.
Përveç skenës në parkun e marashit dhe asaj në shadërvan, NGOMfest do të vazhdoj me organizimin e Promo Skenës, një skenë e dedikuar për promovimin e bendeve të reja muzikore. Rreth 30 bende nga Kosova dhe Shqipëria kanë aplikuar, ndërsa 10 do të performojnë dhe tre prej të cilëve do tu inqizohet një këngë në studio. Me anë të këtij aktiviteti, NGOMfest ka për qëllim përkrahjen dhe promovimin e bendeve në karrierën e tyre të hershme.
Ky është edicioni i tretë i festivalit NGOM, ndërsa për suksesin e arritur, festivali është nderuar nga Komuna e Prizrenit me çmimin “Ngjarja më masovike e vitit 2011” dhe “Ngjarja e vitit” për vitin 2012. Gjithsej 80 vullnetarë do të angazhohen në organizimin e festivalit sivjet dhe në shëndrrimin e Prizrenit në një qytet të muzikës për tre ditë me rend. Kampi i qytetit të Prizrenit buzë lumit të Bistricës edhe këtë vit do të jetë i hapur për mysafirët e festivalit, ndërsa fjetja kushton 3 euro në natë. /PrizrenPress.com/
Programi i performimit:
SKENA NË MARASH:
Baba Zula -TR
Lenzman -NL
Velahavle-BiH
Tajçido-AL
Elektorati Intelektual – RKS
Basscatz
Highroll –BG
Cid Inc-FL
Pinkmetal-RKS
Troja-RKS
Alien no.155-AL
Jimmy Hagan –USA/RKS
Threesome-SR
Stillnes-HR
SKENA NË SHADËRVAN:
Kuarteti Pentagram -RKS
Peni Trio -RKS
Nesim Maxhuni -RKS
Triko -RKS