Kryeministri në detyrë, Hashim Thaçi, sot është takuar me kryeministrin e Serbisë, Aleksandër Vuçiq dhe kanë diskutuar për vazhdimin e dialogut Kosovë-Serbi.
Në një postim në rrjetin social Facebook, Thaçi ka shkruar se me Vuçiqin është takuar në selinë e OKB-së dhe kanë biseduar për vazhdimin e dialogut dhe implementimin e marrëveshjeve të arritura deri më tani.
“Sapo përfundova në selinë e OKB një takim me kryeministrin e Serbisë z.Vucic me të cilin diskutuam për vazhdimin e dialogut, implementimin e marrëveshjeve të arritura për paqe dhe stabilitet në rajon. Kosova mbetet fuqimisht e dedikuar projektit të integrimit në BE dhe dialogut me fqinjë”, ka shkruar Thaçi.