Më 7 prill të këtij viti doli në qarkullim libri i profesor Kristo Frashëri për Ahmet Zogun. Libri bazohej në dokumente arkivore pjesa më e madhe të pabotuara ndonjë herë. Kaloi në heshtje totale duke u mjaftuar vetëm me ndonjë artikull. Edhe Fevziu i Klanit botoi një libër për Ahmet Zogun, po zhurma për të ishte e madhe.
Ndryshe nga profesor Frashëri, Fevziu është munduar ta kuroj pak imazhin e Zogut që të mos dalë dhe aq tradhtar, si me thënë: Nuk ngeli këngëtar e politikan pa dal në foto me Zogun e Blendit, shkruan gazeta Dita. Një komentues në Facebook bënte pyetjen “Kush e di si ndihet profesor Kristo kur shikon të madh e të vogël që shkojnë dhe promovojnë librin e Blendit. Sa vite jetë i kushtoj studimit të jetës së Zogut dhe askush nuk foli për të”. E vështirë të japësh përgjigje.
Ca gjëra mund t’i kurojë vetëm koha. Ndërkohë Zogu i Tunës dhe Zogu i Fevzos, mbeten në krye të preferencave.