Aleanca për Ardhmërinë e Kosovës do të mbledh në një takim të gjitha strukturat drejtuese, politikëbërëse e vendimmarrëse të saj.
Takimi, nën udhëheqjen e kryetarit të AAK-së, Ramush Haradinaj, nis në orën 11:00, në ambientet e Hotelit “Sirius”, në Prishtinë.
Në këtë takim të formatit gjithëpërfshirës të partisë, do të prezantojnë të gjitha forumet dhe strukturat: Kryesia, Këshilli Drejtues, Kryetarët e Degëve, strukturat drejtuese të AGK-së e të ARK-së, Grupi Parlamentar dhe të gjithë asamblistët e Aleancës në pushtetin lokal në vend.