Kryeqyteti i Letonisë, si kryeqyteti kulturor për sivjet, mbrëmë ka qenë nikoqir i ndarjes së Çmimeve Evropiane të Filmit, të ndara nga Akademia Evropiane e Filmit.
“IDA”, me regji të Pawel Pawlikowskit ka marrë troufeun kryesor të natës, ndërsa francezja Marion Cotillard ka marrë çmimin e aktores më të mirë, për rolin e saj në “Two days, one night”, transmeton KultPlus.
Çmimin FIPRESCI e ka marrë filmi “Plemya” ndërsa dokumentari i vitit është shpallur “Master of the Universe” nga Marc Bauder. Timothy Spall është shpallur aktori më i mirë.
Në këtë çmime Kosova nuk është zgjedhur si finaliste dhe as nuk ka pasur filmin e saj përfaqëues në listën e ngushtë. Agnes Varda morri shpërblimin për vepër jetësore, ndërsa Steve McQueen ka marrë mirënjohjen speciale për arritje në kinema botërore.