Anëtar i i Komisionit për Njohjen e Statusit të ish të dënuarve dhe ish të përndjekurve politikë, Artan Abrashi, ka thënë se në këtë pozitë është propozuar dhe votuar nga Komisioni për Legjislacion si përfaqësues i Kuvendit të Republikës së Kosovës.
“Sipas Ligjit Nr. 03/L-95, Neni 19, paragrafi 2, pika 2.4, jam votuar nga Komisioni për Legjislacion si përfaqësues i Kuvendit të Republikës së Kosovës në Komisionin 7 anëtarësh të komisionit për Njohjen e Statusit të ish të dënuarve dhe ish të përndjekurve politikë, me propozim të opozitës, dhe mbështetjen e gjithë anëtarëve të Komisionit për Legjislacion”, sqaron Abrashi.
Abrashi është deputet i Lëvizjes Vetëvendosje dhe kryetar i degës së kësaj partie në Prizren.