Policia ka inicuar rast ndaj një personi në fshatin Lubizhdë të Prizrenit pasi që i njëjti kishte organizuar aheng familjar.
Rasti ka ndodhur të dielën në mbrëmje, raporton PrizrenPress. Ndërkaq, Policia njofton se me urdhër të prokurorit lënda e rastit shkon në procedurë të rregullt.
“Fsh. Lubizhdë, Prizren 16.08.2020-21:35. Ndaj të dyshuarit mashkull kosovar është iniciuar lënda e rastit për shkak se kishte vepruar në kundërshtim me vendimin e Qeverisë ku në familjen e tij kishte organizuar aheng familjar. Me urdhër të prokurorit lënda e rastit procedohet në procedurë të rregullt”, thuhet në raportin 24 orësh të Policisë./PrizrenPress.com/