Prokuroria e Shtetit e udhëhequr nga Sylë Hoxha i ka fshira aktakuzat kundër-korrupsionit që i kishte publikuar në fund të nëntorit. Ky institucion në kuadër të transparencës së vetëdeklaruar publikoi 234 aktakuza kundër korrupsionit.
Këto aktakuza tash nuk janë në faqen e Prokurorisë, te pseja “Aktakuza Kundër Korrupsionit”.
Prokuroria ende nuk ka dhënë publikisht ndonjë shpjegim për këtë veprim.
Express raportoi më 24 nëntor se në ueb-faqe të Prokurorit të Shtetit janë publikuar 234 akte akuzuese për vepra penale kundër korrupsionit.
“Koordinatorja nacionale kundër korrupsionit, pranë Zyrës së Kryeprokurorit të Shtetit, Prokurorja Laura Pula, përmes kësaj komunikate njofton opinionin lidhur me aktivitetet dhe mbikëqyrjen e zbatimit të Planit të veprimit për rritjen e efikasitetit të sistemit prokurorial në luftimin e korrupsionit dhe për të arriturat në këtë drejtim”, raportoi Express.