NISMA për Kosovën, dega në Prizren, përmes një komunikate për medie, ka bërë me dije se në këtë qytet ka mungesë të Insulinës dhe të barnave esenciale. Sipas këtij subjekti politik, fajtor për këtë është pushteti lokal dhe përplasja e koalicionit të dështuar PDK-LDK.
“Dështimi i qeverisjes së të denuarit Ramadan Muja po i kushton shtrenjtë qytetarit të Prizrenit edhe në fushen e shëndetësisë, ku si rezultat i përplasjeve të koalicionit të deshtuar PDK-LDK, po mungojnë madje edhe barnat esenciale në QKMF – në Prizren”, thuhet në komunikatën e NISMA-s, përcjellë PrizrenPress.
“Përveç mungesave të mëdha të barnave dhe gjërave elementare në spitalin regjional të Prizrenit, këto barna janë në mungesë për muaj të tërë edhe në Qendrën Kryesore të Mjeksisë Familjare në Prizren, e cila menaxhohet nga “Familja Muja”, ku pacientet që mvaren nga INSULINA, me muaj të tërë po sillen vërdallë nëpër koridoret e QKMF-së, ku askush nuk është në gjendje që tu përgjigjet këtyre pacientëve”.
“Qeverisja kriminale e PDK-së dhe Ramadan Mujes, ka degraduar skajshmërisht Prizrenin në të gjitha fushat, tashmë kur jemi në prag të fushates elektorale të zgjedhjeve të 11 Qershorit, kanë vërshuar mbindertimet dhe ndertimet pa leje, siç është rasti në “Qendra 2” dhe në rrugen “Tirana”, ku jashtë çdo kriteri të lejeve të ndertimit në zyrat e PDK-së, pompat e benzines dhe bizneset e caktuara të cilat po e rrezikojnë jeten e qytetarëve për rreth”.
“DEGA NISMA në Prizren, me ardhjene saj në qeverisje, zotohet se fuqishëm do ti luftoj këto dukuri negative të cilat po i kushjtojnë shtrejtë qytetarëve të Prizrenit”. /PrizrenPress.com/