Qeveria e Kosovës ka arritur marrëveshje me Bashkimin Evropian për vazhdimin e mandatit të EULEX-it, i cili është aprovuar deri në vitin 2018.
Kryeministri Isa Mustafa, para kabinetit qeveritarë ka sqaruar se mbrëmë kanë marrë letrën kthyese nga Mogerini dhe sot e kanë proceduar këtë në mbledhje të Qeverisë.
Marrëveshja mes BE-së dhe Kosovës për vazhdimin e mandatit të EULEX-it përfshin letërkëmbimin mes Presiodentit Thaçi dhe Federica Mogherinit.
Thaçi letrën e tij Mogherinit ia dërgoi më 9 qershor.
Përveç marrëveshjes për vazhdimin e mandatit të EULEX-it, qeveria shqyrtoi edhe projektligjin për ndryshim-plotësimin e ligjeve që preken nga vazhdimi i mandatit të EULEX-it.
Këtë projektligj e paraqiti para ministrave zëvendëskryeministri dhe ministri i drejtësisë Hajredin Kuçi.
Më pas edhe këto plotësim-ndryshime u miratuan unanimisht.
Mustafa tha se këto dy projektligje, ai për vazhdimin e mandatit të EULEX-it dhe plotësim-ndryshimit të ligjeve në lidhje me këtë mandat, i shkojnë Kuvendit, i cili sot do të mbajë mbledhje.
Dje për shkak se EULEX-i nuk kishte mandat janë shtyrë dy seanca gjyqësore në Gjykatën Themelore të Prishtinës.