10.8 C
Prizren
E premte, 29 Mars, 2024

Ashton e kënaqur me zgjedhjet në Kosovë

ashtonPërfaqësuesja e Lartë e Bashkimit Evropian për Punët e Jashtme, Baronesha Catherine Ashton, e ka vlerësuar lart, mbarëvajtjen e rrethit të dytë të zgjedhjeve në Kosovë. Ajo i ka vlerësuar zgjedhjet si thelbësore për të ardhmen e Kosovës.

“Jam e kënaqur me këtë rund të dytë, të qetë të zgjedhjeve lokale të 1 dhjetorit në Kosovë dhe do të doja t’i uroja votuesit për pjesëmarrjen e tyre. Këto zgjedhje janë kruciale për të ardhmen e Kosovës dhe për procesin e normalizimit te marrëdhënieve mes Kosovës dhe Serbisë”, thuhet në deklaratën e Ashton.

Baronesha Ashton, gjithashtu ka njoftuar, se më 5 dhjetor do të takojë në Bruksel kryeministrat Hashim Thaçi dhe Ivica Dacic, më të cilët sipas saj, do të diskutohet lidhur me zbatimin e marrëveshjes së 19 prillit.

“Do të takohem me kryeministrin Thaçi dhe Dacic në Bruksel më 5 dhjetor, për një rund të ri të dialogut. Do të diskutojmë se si t’i çojmë përpara çështjet e mbetura për t’u implementuar nga marrëveshja e prillit. Kjo është me rëndësi, në veçanti duke konsideruar prezantimin e raportit tim të radhës për dialog para Këshillit në muajin dhjetor”, theksohet në deklaratën e Ashton-it.

Më Shumë

Kurti kujton 25 vjetorin e masakrave serbe në Gjakovë e Rahovec

Kryeministri i Kosovës, Albin Kurti ka kujtuar 25 vjetorin e masakrave serbe në Gjakovë e Rahovec ku nuk u kursyen as gra e fëmijë. Më...

Një person arrestohet në Prizren pas sulmit fizik ndaj bashkëjetueses

Një person është arrestuar në Prizren. Ai dyshohet se pas një mosmarrëveshje ka sulmuar fizikisht  femrën me të cilën bashkëjeton. “Viktima ka pësuar lëndime trupore, ndërsa...

Lajmet e Fundit