Sekretari i AAK-së në Prizren, Ilir Baldedaj ka thënë se kuvendarja Ajshe Shala nuk i ka njoftuar për dorëheqjen e saj, nga partia.
“Asnjë shkresë zyrtare nuk ka ardhë në AAK, ku ajo ka kontribuar një kohë të gjatë”, ka thënë Baldedaj për RTV Besa.
“Nëse ka dhënë dorëheqje e falënderojmë për kontributin që ka dhënë në AAK”.
Kuvendarja Ajshe Shala ka braktisur AAK-në në Prizren. Ajo tregon se arsye kryesore që e ka detyruar të marrë këtë vendim, ka qenë “privatizimi i Degës së AAK-së”.
“Udhëheqja e Degës së AAK-së në Prizren drejtohet sikur me qenë pronë private e individëve”, tregon ajo për “PrizrenPress”.
Ajshe Shala dje ka dhënë dorëheqje edhe nga Grupi Parlamentar i AAK-së në Kuvendin e Prizrenit. Ajo ka deklaruar se interesin e qytetarëve do të mbrojë si e pavarur.