Organiazata Joqeveritare “EC Ma Ndryshe” organizon ciklin e pesët të debatit “Planifikim urban me pjesëmarrje”. Në këtë cilëk do të debatohet për gjendjen e banorëve të lagjes “Arbana” në Prizren dhe sfidat e tyre në raport me planifikimin urban.
Koordinatorja e projektit Fjolla Gashi, tha se për të diskutuar për këtë temë “EC Ma Ndryshe” ka ftuar Ekrem Kryeziun,punonjës në QMF – Arbanë dhe Shpresa Osmanollaj (DUPH) në cilësinë e panelistëve. “Çështjet për të cilat do të diskutohet në këtë debat janë: infrastruktura fizike, shërbimet publike (uji, ujërat e zeza, rryma, mbeturinat, transporti publik), punësimi, ndihma sociale, strehimi, sigurimi publik dhe ambienti”
Gjatë debatit do të prezentohet edhe analiza “Planifikim urban për qytetarët”, e cila përmbledh rezultatet e anketës me 500 respondentë në Prizren mbi planifikimin urban. Debati i pestë i ciklit “Planifikim urban me pjesëmarrje” mbahet më 16 tetor 2013 (e mërkurë), në Restaurant “Marashi” në Prizren duke filluar nga ora 11:00
“Qëllimi i këtyre debateve është prezantimi i të gjeturave të 28 fokus grupeve me shtatë grupe të komunitetit në Prizren për identifikimin e problemeve dhe gjetjen e zgjidhjeve në raport me planifikimin urban. Debatet do të jenë forume të avokimit publik ndaj qeverisë lokale, ku pjesëmarrës do të jenë përfaqësues të grupit përkatës të komunitetit, komunës, shoqërisë civile, medias, qeverisë qendrore dhe ekspertë të planifikimit urban. Ky cikël i shtatë debateve realizohet në kuadër të projektit “Qyteti Gjithëpërfshirës…” që përkrahet nga Olof Palme International Center, e cila mbështetet nga Qeveria e Suedisë”, tha Gashi. /PrizrenPress.com./