Në mbledhjen e sotme të Kuvendit Komunal, kuvendari i LDK-së Behar Begaj ka shprehur shqetësimin pse nuk ka marr përgjigje, në shqetësimet e ngritura në mbledhjen e kaluar, rreth ndërprerjes së punimeve në Stadiumin e futbollit si dhe rreth Shtëpisë së Kulturës në Zhur.
“Në asnjë nga shqetësimet e ngritura nuk kam marrë përgjigje nga Drejtoria për Kulturë Rini e Sport” tha Begaj
Ai duke u ndërlidhur me një prononcim të Shefes së Kabinetit të kryetarit, e cila ka thënë se hetimet e Prokurorisë nuk lejojnë investime në Shtëpinë e kulturës, tha se ajo nuk po e thotë të vërtetën.
“Në Prokurori më ka thënë se ata i kanë punët e veta ndërsa Komuna punët e veta, dhe mund të vazhdojnë punimet në Shtëpinë e Kulturës” tha Begaj./prizrenisot.com/