18.9 C
Prizren
E enjte, 17 Korrik, 2025

Berisha: Kosova është krahinë e Shqipërisë, termi “komb kosovar” është qesharak

Deputeti i Kuvendit të Kosovës, Zafir Berisha, ka thënë në Ora e Fundit në Klan Kosova se termi “komb kosovar” është qesharak dhe se nuk ekziston diçka e tillë.

Ai madje deklaroi se Kosova është vetëm krahinë e Shqipërisë dhe se asnjëherë nuk është hequr dorë nga bashkimi kombëtar.

“Të merrem unë me këtë termin që disa e kanë shpikur, sepse s’kanë punë tjetër, njëfarë termi më duket termi ‘kombi kosovar’ kjo është më shumë se qesharake, vetëm me të shkuar në mendje e lërmë ta thuash, aq më keq që diçka e tillë të trumbetohet”, ka thënë Berisha.

“Ne jemi shqiptarë, që jetojmë në krahinën e Shqipërisë, që quhet Kosovë. Dhe, sot ose nesër, herët apo vonë Shqipëria do të jetë një dhe meqë sot rrethanat e politikës globale na kanë pozicionuar ashtu siç na kanë pozicionuar, kjo nuk nënkupton që kemi hequr dorë nga ideja e Shqipërisë natyrale”.

“Përse duhet të heqim dorë nga kjo?”, ka pyetur Berisha duke u vetëpërgjigjur. “Asnjë komb s’ka hequr dorë”.

“Ne edhe nënë edhe babë e kemi Shqipërinë. Kur them Shqipërinë e kam fjalën për Shqipërinë, Kosovën, shqiptarët në Maqedoni e deri në Çamëri”, ka thënë ish-ushtari i Ushtrisë Çlirimtare të Kosovës.

Më Shumë

Arianit Nushi i bashkohet Lidhjes Demokratike të Kosovës në Prizren

Kryetari i Degës së LDK-së në Prizren dhe njëkohësisht kandidat për kryetar të Komunës, Driton Selmanaj, ka prezantuar sot aderimin e Arianit Nushit në...

Zarife Daqaj ka nevojë për ne – Bashkohuni në aksionin humanitar!

Zarife Daqaj po përballet me një sëmundje serioze neurologjike që kërkon trajtim të specializuar në Turqi. Për shkak të kostove të larta të terapisë...

Lajmet e Fundit