16.8 C
Prizren
E enjte, 28 Mars, 2024

Braçe kundër Gruevskit: Kokëboshë, mos na jepni leksione

Erjon BraçeDeputeti i Partisë Socialiste të Shqipërisë, Erjon Braçe i është kundërpërgjigjur Gruevskit, duke thënë se partia e tij ka në mesin e saj shumë kokëboshë.

“Që partia e kryeministrit të ish Republikës Jugosllave të Maqedonisë është e mbushur me kokëboshë e kupton lehtësisht duke parë këtë ‘shtet’!! Por, që e gjithë organizata me kokëboshë të marrë përsipër të të japë edhe leksione, kjo është shumë!! Akoma më shumë është kur tamam këta kokëboshë të ‘urdhërojnë’ se kë duhet të vizitosh në vendin tënd!! Kulmi!! Kjo arrogancë i ka bërë të jenë ata që janë e të thyejnë turinjtë sistematikisht sa herë që marrin përsipër të bëjnë të fortin. Dua të them dy gjera; E para, protesta e shqiptarëve në këtë ‘shtet’ nuk është as radikale e as islamike. Është një protestë qytetare si kudo gjetkë në Evropë por me ndryshimin e madh se sot në Evropë, ndryshe nga ky ‘shtet’, liria, barazia, drejtësia, përfshirja, pjesëmarrja, solidariteti, janë institucionalizuar si të paprekshme edhe për emigrantët!! Janë të drejta themelore që ky ‘shtet’ apo ish Republikë nuk i njeh për qytetarët e tij me kombësi shqiptare”, ka shkruar Braçe në Facebook.

Braçe ka shtuar më tej se krahasimi që ka bërë VMRO-ja është i tepërt, pasi ish-Republika e Maqedonisë është një shtet i njohur ndëkombëtarisht si multietnike, ndërsa Shqipëria nuk është e tillë.

Ai shtoi se IRJM-ja është një shtet që ka ngritur në kulm dhe në mënyrë epike historinë maqedonase, gjë që tregon edhe mendësinë e dobët që ekziston te partia në pushtet, VMRO-së së kryeministrit Gruevski.

Erjon Braçe në fund shton se ata maqedonas që jetojnë në disa fshatra të Shqipërisë kanë të drejta të plota juridike, politike dhe sociale sikundër çdo qytetar i Republikës së Shqipërisë dhe nuk janë aspak të diskriminuar

Më Shumë

Kompletohet grupi i Kosovës në Ligën e Kombeve

Lituania e ka mposhtur Gjibraltarin me rezultat 2-0, nga dy ndeshjet në kuadër të playoff-it të Ligës së Kombeve. Kështu lituanët do t’i bashkohen Kosovës...

Osmani merr pjesë në tubimin përkujtimor në 25 vjetorin e masakrës në Krushë të Madhe

Presidentja e vendit, Vjosa Osmani do të marrë pjesë në tubimin përkujtimor në 25 vjetorin e masakrës në Krushë të Madhe, me fillim të...

Dhimbja

Lajmet e Fundit