Oligarkia e korruptuar meriton ndëshkim popullor
Vendit i nevojitet reformë e thellë partiake
Analistët vlerësojnë se gjendja në Kosovë është bërë e patolerueshme, prandaj populli, shoqëria civile, mediet dhe opozita, duhet të bëhen bashkë për t’i larguar të këqijtë nga pushteti dhe me një platformë të mirë dhe të shëndoshë qeverisëse, të dalin para elektoratit për ta shpëtuar vendin
Ballafaqimi i përditshëm i qytetarëve të vendit, me një skenë politike të kriminalizuar, që ka krijuar një rrjet të inkriminuar oligarkësh, përmes të cilëve kontrollohet çdo pore e jetës, sipas analistëve politikë, mund ta nxisë reformimin e politikës. Analisti Albinot Maloku i ka thënë gazetës se këto ndryshime tani janë tepër të domosdoshme për t’i dhënë fund qeverisjes së korruptuar, oligarkisë kriminale nëpër institucionet e shtetit dhe kapjen e tij në dëm të interesit të përgjithshëm të qytetarëve../kosova sot/