Policia në Prizren ka pranuar një informatë e cila bënte me dije se në një familje e cila banon në rrugën “Ardianët” ka ndodhur një lëndim trupor. Një patrullë policore i është përgjigjur rastit dhe pas hetimit fillestar ka arrestuar të dyshuarin; mashkull, i cili siç thuhet kishte ushtruar dhunë fizike ndaj bashkëshortes së tij.
Ndërkaq viktima është dërguar në emergjencën e Spitalit Rajonal në Prizren për trajtim mjekësor sepse siç thuhet në raportin mjekësor, e njëjta kishte pësuar lëndime të lehta trupore. Në mbrojtje të viktimës ka dalë mbrojtësi i viktimave.
Ndërsa polici përgjegjës për rastet e dhunës në familje ka kryer intervistën me të dyshuarin dhe pas konsultimit me prokurorin është vendosur që i njëjti të ndalët nën masën e arrestit policor./PrizrenPress.com/