Filmi mbi robotin që flet dhe mendon, “Chappie”, nga regjisori Neill Blomkamp, ka kryesuar arkën filmike të ShBA-ve këtë fundjavë që po e lëmë pas, me 13.3 milionë dollarë të mbledhura.
Në një treditësh “të ngadalshëm”, në pozitën e dytë ra filmi i Will Smith, “Focus”, me 10 milionë të mbledhura, kurse në pozitën e tretë është vendosur filmi “The Second Best Exotic Marigold Hotel”, me 8.6 milionë dollarë.
Top pesëshen e fundjavës e përmbyllën filmat “Kingsman: The Secret Service”, si dhe animacioni “The SpongeBob Movie: Sponge Out of Water”.
Në anën tjetër, zhgënjyes ishte filmi që u prit se do të fitonte më së shumti. “Unfinished Business”, komedia me aktorin Vince Vaughn, Dave Franco dhe Tom Wilkinson, doli i dhjeti me rreth 4 milionë dollarë. Javën e ardhshme, ndërkaq, pritet të dominojë filmi i shumëpritur i Disney-t, “Cinderella”, i përshtatur nga përralla e mirënjohur e Hirushes.