Hillary Clinton ka deklaruar se për kryengritjen e ekstremistëve islamë në Irak dhe në Siri është politika e dështuar e administratës së presidentit, Barack Obama.
Ish sekretarja amerikane e shtetit, ka thënë se gabimi më i madh ka qenë vendimi i SHBA-ve që mos të përzihen në kryengritjen kundër presidentit sirian, Bashar Al Asad, me çka u janë hapur dyert fraksioneve me ekstremiste të Shetit Islam (ISIS).
“Me mospërkrahjen e forcave popullore që u ngritën në protesta kundër Asadit, u krijua një hapësirë e lirë që tash po e mbushin xhihadistët”, ka thënë ajo në një intervistë për revistën “Atlantic”.
Clinton, derisa ishte sekretare e shtetit në mandatin e parë të Obamës, kishte kërkuar armatosjen e kryengritësve sirian.
Obama të enjten miratoi sulmet ajrore kundër ISIS-it në Irak, por ka thënë se më nuk do të dërgojë ushtarë në atë vend, pasi që në vitin 2011 forcat amerikane u larguan nga Iraku.
Megjithatë, Clinton ka thënë se Obama nuk ka strategji për mbrojtje nga kërcënimet e xhihadistëve.
“Kombeve të mëdha u duhen parime organizative, kurse fjalitë ‘mos bënë budallallëk’, nuk është parim organizativ”, ka thënë ajo, duke aluduar në sloganin e Obamës, raporton AFP.
Clinton ka theksuar se SHBA-të duhet ta zhvillojnë strategjinë e gjithëmbarshme për t’u përballur me ekstremizmin islam dhe e ka krahasuar këtë me luftën e gjatë amerikane kundër komunizmit.