Diego Costa vazhdon të mbetet futbollist i lirë, pasi shkëputi kontratën me Atletico Madridin.
Sulmuesi spanjoll ende nuk ka nënshkruar me asnjë skuadër, përkundër interesimit të skuadrave të njohura evropiane.
Së fundmi, në garë për shërbimet e sulmuesit spanjoll ka hyrë edhe West Hami.
Sipas mediave angleze, 32-vjeçari ka filluar bisedimet me klubin londinez që është duke tentuar ta bind të rikthehet në Premier League.
Gjithnjë sipas mediave angleze, palët janë shumë pranë marrëveshjes dhe reprezentuesi spanjoll mund të zyrtarizohet te klubi londinez javën e ardhshme.