Deputeti në Kuvendin e Kosovës nga radhët e Aleancës për Ardhmërinë e Kosovës, Daut Haradinaj ka reaguar në deklaratën e Hashim Thaçit, i cili sot tha se “s’po e din pse po zhagitet Ligji për Veteranët e Luftës”.
“Kryeministri i Kosovës Hashim Thaçi tha sot se nuk po e din pse po zhagitet Ligji për Veteranët e Luftës. Fakt është që këtë Ligj tash e shtatë vite e ka zhagitur Qeveria ‘Thaçi 1’ dhe ‘Thaçi 2’. Prandaj kur pritet që javën që vjen Ligji në fjalë më në fund të aprovohet në Kuvend, pas shumë presionesh e përpjekjesh nga të gjithë ne, pyetja më me vend që shtrohet është: A do të jenë Hashim Thaçi dhe kjo Qeveri ata që do ta implementojnë. Unë po besoj dhe them që jo”, ka shkruar Haradinaj në Facebook.