22.9 C
Prizren
E diel, 31 Gusht, 2025

Demaçi: Kryeministri po lëshon pe, BE po ia plotëson kërkesat

Adem DemaciPjesëmarrja e kandidatëve serbë për kryetarë të katër komunave veriore nga lista e përbashkët unike e quajtur “Serbia”, për zgjedhjet lokale të nëntorit që do të mbahen në vendin tonë, do të jetë kapitullim për shtetin e Kosovës, ka vlerësuar Adem Demaçi.

Po ashtu, sipas Demaçit, me zgjedhjet që do të organizohen në veri të vendit, Kosova do të dalë humbëse, ndërsa ajo që do të fitojë, sipas tij, do të jetë Serbia.

“Nëse del një listë me emrin Serbia, kjo do të jetë mjaftë e rrezikshme. Sepse, këta me këtë gjë po vlerësojnë se këtu është Serbi. Dhe, nëse lejohen që të marrin pjesë me atë listë është një kapitullim. Këto votime janë shumë të dëmshme për neve dhe ne nuk fitojmë asgjë, ndërsa Serbia do të dal fituese nga këto zgjedhje”, tha ai për Kosovapress.

Duke folur për vendimin e KQZ-së për heqjen e simboleve shtetërore nga fletëvotimet, Demaçi është i sigurt se ky vendim nuk është i KQZ-së, por pasojë e Marrëveshjes së Brukselit.

“Nuk po më vjen mirë që kryeministri po mundohet të fajësojnë KQZ-në. KQZ-ja dihet se është instrument i pushtetit që i zbaton urdhrat që i vien. KQZ-ja nuk ka mundur t’i ngulë këmbët e të thotë se nuk i heq, sepse kishin ‘fluturuar” të gjithë dhe kishin ardhur të tjerë. Kryeministri e të tjerët po lëshojnë pe. Evropa po ia plotëson të gjitha kërkesat Serbisë, me qëllim që ta përfshijë Serbinë në BE dhe NATO”, ka pohuar ai.

Sipas Demaçit, përpjekjet e BE-së për ta përmirësuar Serbinë janë të kota, përderisa në krye të saj të jenë “fashistët dhe kriminelët”, që sipas tij, nuk njohin gjuhë tjetër përpos urrejtjes dhe dhunës.

Më Shumë

Sot 27 vjet nga rënia e komandant Ismet Jasharit

Sot bëhen 27 vjet nga rënia heroike e komandant Ismet Jasharit – Kumanovës, një prej figurave më emblematike të Ushtrisë Çlirimtare të Kosovës. I lindur...

Prizren, 52-vjeçari gjendet i vetëvarur në malin e Kabashit

Një ngjarje e rëndë është regjistruar sot në rajonin e Prizrenit, ku një burrë është gjetur pa shenja jete në rrethana tragjike. Viktima është F....

Lajmet e Fundit