Dita Botërore të Shëndetësisë, në Kosovë, u shënua në Malishevë, ku kjo ditë këtë vit ju i është përkushtuar parandalimit dhe kontrollit të sëmundjeve që përhapen përmes vektorëve (bartësve). Me qëllim të shënimit të kësaj dite, Ministria e Shëndetësisë, Instituti Kombëtar i Shëndetësisë Publike dhe Zyra e Organizatës Botërore të Shëndetësisë, në bashkëpunim me Komunën e Malishevës organizojnë shënimin e kësaj dite në mënyrë simbolike në Malishevë, duke trajtuar çështjen e Etheve Hemorragjike Krime -Kongo.
Pjesëmarrës në këtë shënim do të jenë zyrtarë të MSH-së, IKSHP-së, QKUK-së, spitaleve rajonale, anëtarët e Këshillit Ndërministror për parandalimin dhe luftimin e Etheve Hemorragjike, autoritetet lokale të komunave që shquhen me më shumë raste të EHKK, mediat dhe të tjerë.
Fillimisht kryetari i Malishevës, Ragip Begaj, i ka falënderuar të pranishmit për pjesëmarrje në këtë shënim, përderisa shprehi “besimin se tani po konkretizohen gjërat për punë më të mirë në fushën e luftimit dhe parandalimin e etheve hemorragjike krime kongo”.
“Në Kosovë, ka pasur arritje premtuese, për përmirësimin e shërbimeve shëndetësore”, tha ministri i Ministrisë së Shëndetësisë, Ferid Agani, duke i përmendur ligjet e miratuara që kanë të bëjnë me shëndetësinë. “Jam i kënaqur që sot kemi një plan operacional për luftimin e EHKK”, tha ministri Agani, duke folur për temën.
Epidemiolog Isuf Dedushaj, foli për sëmundjen EHKK, historinë, format e përhapjes dhe për rriqrat si bartësit kryesor të EHKK dhe për situatën epidemiologjike në vend.
Skënder Syla, nga Organizata Botërore e Shëndetësisë në Kosovë, foli për sëmundjen që barten përmes vektorëve, ndërsa Naser Ramadani nga IKSHP-ja, dhe folësit tjetër, folën për ethet hemorragjike, për mënyrat mbrojtëse dhe për planin operativ, për strategjinë kombëtare për luftimin etheve hemorragjike Krime Kongo (EHKK).
Në këtë tryezë dhe në prononcimet për medie, nga shumica e folësve u theksua, se ende në strategjinë për luftimin dhe parandalimin e EHKK, është spërkatja selektive. Përderisa në përfaqësues i kompanisë, e cila mendohet se do të bëjë spërkatjen masive (nga ajri), mbrojti formën e kësaj spërkatje, shumë prej pjesëmarrësve, hodhën poshtë këtë mundësi. AUV dhe epidemiologët, thanë se përderisa nuk ka praktika të tilla, askund në botë, nuk mund të lejohet të bëhet këtu, ndërsa ministri i shëndetësisë, z.Agani, tha se ende sipas strategjisë, spërkatja do të bëhet slektive.
Deri te kjo përplasje për formën e spërkatjes, erdhi, pasi ekzekutivi i Komunës së Malishevës, kërkoi sqarim dhe dhënie të mendimin për formën e spërkatjes dhe kohën./PrizrenPress.com/