Drejtori i Emergjencave dhe Sigurisë në komunën e Prizrenit, Bedrija Ejupagiq, ndaj të cilit në korrik të vitit të kaluar Prokuroria Themelore në Prizren ngriti aktakuzë për vdekjen e 3 vjeçares Xheneta Gashi, ka kërcënuar gazetarin e RTK 2, Refki Alija.
Alija që është gazetar për lajmet në gjuhën boshnjake nga Prizreni, para një muaji kishte raportuar për këtë rast sesi Ejupagiq do të përballet me drejtësinë. E të enjtën kur Alija ka shkuar në komunën e Prizrenit, ai është kërcënuar dhe sulmuar në mënyrë verbale nga drejtori Ejupagiq.
Alija ka dhënë deklaratë në Polici tashmë për këtë rast, teksa Insajderi ka tentuar të kontaktojë edhe me drejtorin e RTK-së, por ai nuk e ka hapur telefonin. / Insajderi/