Drejtori i Ekonomisë dhe Financave i Komunës së Prizrenit, Mehmet Butuc, edhe pse me profesion është ekonomist nuk ka hezituar që të nënshkruajë një parashtresë drejtuar Gjykatës në emër të Zyrës së Avokaturës Publike të Komunës së Prizrenit lidhur me një rast penal, ku pushteti lokal cilësohej si palë e dëmtuar nga organet e drejtësisë.
Në qershor të vitit 2011, Butuc në emër të kësaj avokature ka firmosur shkresën drejtuar Gjykatës në çështjen penale ndaj katër zyrtarëve të Komunës: Hasan Hasani, Sadik Paçarizi, Zekë Tejeci dhe Sokol Hadri, me të cilën ka informuar këtë organ se Komuna nuk është e dëmtuar dhe se nuk kërkon ndjekjen penale të këtyre zyrtarëve, që janë akuzuar nga Prokuroria Themelore për shpërdorim të detyrës zyrtare, me rastin e shitjes përmes ankandit publik të disa veturave./Koha Ditore/