Drejtori i sapozgjedhur i Shkollës Fillore ”Arsim Maliqaj” në fshatin Poslisht, Jetmir Osmanajt nuk është lejuar të hyjë në vendin e tij të punës.Ai është shpallur i pa dëshirueshëm nga arsimtarët e kësaj shkolle.
Burimet e “PrizrenPress”-it bëjnë të ditur se arsimtarët e shkollës së këtij fshati, kanë dalë në oburr për të penguar drejtorin e sapozgjedhur që të hyjë në shkollë.
“Ai nuk është i dëshirueshëm për arsimtarët e shkollës, prandaj edhe nuk e njohim për drejtor”, ka thënë një arsimtar me kusht anonimiteti.
Drejtoria e Arsimit në Prizren, javën e kaluar ka emëruar drejtorët e rinj. Ata dje janë pritur edhe nga kryetari Ramadan Muja. Drejtorët e sapozgjedhur janë qortuar nga Ramadan Muja që gjatë ushtrimit të detyrës të tregohen të dëshueshm.
Burimet e “PrizrenPress”-it bëjnë të ditur se arsimtarët e kanë bërë peticion kundër drejtorit të ri Osmanajt. Ata këtë peticion do të dërgojnë edhe tek kryetari i Prizrenit,Ramadan Muja.:
“Arsimtarët kanë bërë peticion kundër këtij drejtori politik”,tregon burimi i “PrizrenPress”-it.
Konkursi për zgjedhjen e drejtorëve të shkollave është kritikuar edhe nga partitë politike. Sipas tyre, ky konkurs është përciellë me shkelje ligjore./PrizrenPress.com/