Deputetja e Lëvizjes Vetëvendosje, Drita Millaku e ka quajtur Qeverinë Haradinaj si qeveri servile e të padijshme, pas konfirmimit nga komisoneri Johannes Hahn se nuk do të ketë liberalizim të vizave këtë vit.
Ajo ka kujtuar seancën e jashtëzakonshme të Kuvendit të Kosovës, ku ishte votuar demarkacioni.
“Është dashtë të vije z. Hahn në Kosovë e ta kuptojnë qeveritarët tanë se s’ka liberalizim. Më kujtohet si sot data 21.03.2018 kur u votua demarkacioni me Malin e Zi, me qindra qytetarë na shkruajten nëpër rrjete sociale për ta votuar, sepse i kishin gënjyer me liberalizimin e vizave”.
Ka shkruar se 80 deputetë votuan me dorën e tyre që t’ua falin 8200 hektarë tokë, ndërsa ka shtuar se liberalizimi i vizave vështirë se do të ndodh edhe në vitin 2020.
“Pra 80 deputet që e votuan demarkacionin, e me dorën e vet ia falën 8200 ha do t’i ndëshkojë historia por edhe vota. Me këtë qeveri servile e të padijshme, e me këta njerëz lakmitar zor se do të ketë liberalizim edhe në 2020- ën