Deputetja e Kuvendit të Kosovës, Duda Balje ka thënë se do të votoj PRO tërheqjes së mjeteve prej 30 për qind nga Fondi i Kursimeve Pensionale për qytetarët e Kosovës.
Ajo ka thënë se aq shumë ka kërkesa nga qytetarët e Kosovës që të votohet plotësim ndryshimi i ligjit për Trustin në Kuvendin e Kosovës, saqë e ka ndarë edhe një rrëfim që po i ndodh pothuajse çdo ditë.
”Po dal po eci me familjen, me burrin dhe shumë qytetarë po më thonë të lutem votoni për tërheqjen e 30 për qind për trustin… Dhe ne jemi deputet dhe nëse në jemi zëri i qytetarëve, unë vetëm po dua të respektoj shumicën, të cilët kanë nevojë për këtë 30 për qind edhe për shkak të qytetarëve dhe vullnetit dhe kërkesës së tyre unë jam për tërheqjen e 30 për qind të mjeteve nga Trusti”, ka thënë ajo për Gazeta Blic.
Kjo o bie që Balje do të votojë pro tërheqjes së Trustit.
Iniciativën për tërheqjen e 30% të trustit e kanë marrë deputetët e PDK-së, për shkak të rritjes së çmimeve në produketet esenciale.
Ajo është përkrahur edhe nga grupi parlajmentar i AAK-së. Mirëpo kundër tij janë deklaruar deputetë e pushtetit. Mimoza Kusari shefe e grupit të deputetëve të Vetëvendosjes ka deklaruar se janë kundër kësaj iniciative.