-0.2 C
Prizren
E martë, 29 Nëntor, 2022

Duda Balje zhgënjehet me Kurtin, Lumir Abdixhiku ia hapë dyert e bashkëpunimit

Kryetari i Lidhjes Demokratike të Kosovës, Lumir Abdixhiku, ka pritur sot në zyrat e LDK-së deputeten e Kuvendit të Kosovës, Duda Balje.

Sipas njoftimit të LDK-së, Abdixhiku dhe Balje kanë diskutuar për situatën politike në vend, si dhe për mundësinë e thellimit të bashkëpunimit mes LDK-së dhe SDU-së.

“Gjatë këtij takimi, kryetari Abdixhiku vlerësoi lartë kontributin e komunitetit boshnjak në proceset shtetndërtuese të Kosovës, ku shtoi se duhet të vazhdojmë të punojmë fuqishëm për përmirësimin e kushteve për të gjithë qytetarët e Kosovës pa përjashtim”, thuhet në njoftim.

Një takim i tillë Abdixhiku-Balje vjen pas disa fërkimeve që deputetja boshnjake ka pasur me Lëvizjen Vetëvendosje të kryeministrit Albin Kurti.

Balje ka pasur disa reagime për punën e shamisë, ka paralajmëruar se nuk do të përkrahë projektkodin civil për martesat e gjinisë së njejtë dhe në disa raste ka shfaqur mospajtime me deputetë të VV-së meqë siç ka treguar Balje kanë tentuar t’ia imponojnë qëndrimet.

Rasti i fundit ka qenë me deputetin Armend Mehaj në Komisionin për Energjinë.

Më Shumë

Policia kërkon ndihmë për gjetjen e 25-vjeçares nga Rahoveci, thotë se është zhdukur para dy jave

Policia e Kosovës të premten ka publikuar fotografinë e një vajze nga Rahoveci, për të cilën ka thënë se është e zhdukur tash e...

10 të vrarë në Ukrainë nga 70 raketat e lëshuara nga Rusia

Sirenat e sulmit ajror ranë në të gjithë Ukrainën dje, pasi Rusia lëshoi një breshëri sulmesh në infrastrukturën civile. Dhjetë persona u vranë dhe sulmet...

Lajmet e Fundit